3 ထို့နောက် ကောင်းကင်​၌ အခြား​နိမိတ်​လက္ခဏာ​တစ်ခု​ကို မြင်ရပြန်၏။ ခေါင်း​ခုနစ်လုံး၊ ဦးချို​ဆယ်ချောင်း ပါရှိသော အနီရောင်​နဂါးကြီး​တစ်ကောင်​သည် ခေါင်းများ​ပေါ်တွင် သရဖူ​ခုနစ်ခု​ကို ဆောင်းထား၏။ 4 သူ​၏ အမြီး​သည် ကောင်းကင်​မှ ကြယ်​သုံးပုံ​တစ်ပုံ​ကို ကမ္ဘာမြေ​ပေါ်သို့ ဆွဲချ​လိုက်၏။ ထို​နဂါး​သည် မီးဖွား​တော့မည့်​အမျိုးသမီး​၏ ရှေ့​တွင် ရပ်​လျက် မွေးဖွား​ပြီးသည်​နှင့် တစ်ပြိုင်နက် မွေးကင်းစ​သားငယ်​ကို ဝါးမျို​ရန် စောင့်နေ၏။

5 ထို​အမျိုးသမီး​သည် လူမျိုး​အပေါင်းတို့​ကို သံ​လှံတံ​ဖြင့် အုပ်စိုးမည့် သားယောက်ျား​ကို မွေးဖွား၏။ ထို​သားငယ်​သည် ဘုရားသခင်​ထံသို့​လည်းကောင်း၊ ကိုယ်တော်​၏ ရာဇပလ္လင်တော်​ပေါ်သို့​လည်းကောင်း ချီယူသွားခြင်း​ခံရ၏။ 6 ထို​အမျိုးသမီး​သည် တောကန္တာရ​သို့ ထွက်ပြေးလေ၏။ ထို​အရပ်​တွင် သူ့​အား ရက်ပေါင်း တစ်ထောင့်​နှစ်ရာ​ခြောက်ဆယ်​အထိ ပြုစုစောင့်ရှောက်​နိုင်ရန် ဘုရားသခင်​ပြင်ဆင်ထားတော်မူသော နေရာ​တစ်ခု​ရှိ၏။

7 ထို့နောက် ကောင်းကင်​၌ စစ်​ဖြစ်လေ၏။ မိက္ခေလ​နှင့် သူ​၏ ကောင်းကင်တမန်တို့​သည် နဂါး​ကို တိုက်ကြ၏။ နဂါး​နှင့် သူ​၏ တမန်တို့​သည် ပြန်​၍ တိုက်​သော်လည်း 8 အရေးနိမ့်​သဖြင့် ကောင်းကင်​မှ နှင်ထုတ်ခံရ၏။ 9 ထို​နဂါး​သည် တစ်ကမ္ဘာလုံး​ကို လှည့်ဖြားသည့် မာရ်နတ်၊ သို့မဟုတ် စာတန် ဟု​ခေါ်သော ရှေးမြွေဟောင်း​ဖြစ်ပြီး သူ​၏ တမန်များ​နှင့်အတူ ကမ္ဘာမြေ​ပေါ်သို့ ပစ်ချခံခဲ့ရ၏။

10 ထို့နောက် ကောင်းကင်​မှ ကျယ်လောင်သော​အသံ​ဖြင့်

13 ကမ္ဘာမြေ​ပေါ်သို့ မိမိ​ပစ်ချ​ခံရသည်​ကို နဂါး​သိမြင်​သောအခါ သားယောက်ျား​ကို မွေးဖွားခဲ့သော အမျိုးသမီး​ကို လိုက်​၍ ဖမ်းလေ၏။ 14 သို့သော် ထို​အမျိုးသမီး​သည် တောကန္တာရ​၌ မိမိ​အတွက် ပြင်ဆင်ထားသော​နေရာ​သို့ ပျံသန်း​နိုင်ရန် ဘုရားသခင်​က သူ့​အား လင်းယုန်​အတောင်ပံ​တစ်စုံ​ကို ပေးအပ်တော်မူ၏။ သူ​သည် နဂါး^a​ဘေးရန်​မှ လွှတ်​၍ ထို​အရပ်​၌ သုံးနှစ်ခွဲ​တိုင်အောင် ပြုစု​စောင့်ရှောက်ခြင်း​ကို ခံရ၏။

15 ထို့နောက် နဂါး​သည် အမျိုးသမီး​ကို ရေ​၌ မျောပါသွား​စေရန် အမျိုးသမီး​နောက်သို့ သူ​၏ ခံတွင်း​မှ ရေ​ကို မြစ်ရေစီး​သကဲ့သို့​မှုတ်ထုတ်လိုက်၏။ 16 သို့သော် မြေကြီး​သည် ထို​အမျိုးသမီး​ကို ကူညီ​၍ မိမိ​ခံတွင်း​ကို ဖွင့်​လျက် နဂါး​၏​ခံတွင်း​မှ မှုတ်ထုတ်သော​မြစ်ရေ​ကို မျိုလိုက်၏။ 17 ထိုအခါ နဂါး​သည် အမျိုးသမီး​အပေါ် ဒေါသထွက်​သဖြင့် ကျန်ရှိနေသေးသော ထို​အမျိုးသမီး​၏ မျိုးဆက်များ​ကို တိုက်​ရန် ထွက်ခွာသွား၏။ ထို​မျိုးဆက်များ​သည် ဘုရားသခင်​၏ ပညတ်တော်တို့​ကို လိုက်နာသူများ၊ ယေရှု​အကြောင်း​သက်သေခံချက်​တို့​ကို သစ္စာရှိ​စွာ ထိန်းသိမ်းသူများ​ဖြစ်ကြ၏။ 18 ထို့နောက် နဂါး​သည် ပင်လယ်​ကမ်းစပ်​၌ ရပ်နေလေ၏။^b